Questions to ask your doctor | ਆਪਣੇ ਡਾਕਟਰ ਨੂੰ ਪੁੱਛਣ ਲਈ ਸਵਾਲ

ਆਪਣੇ ਡਾਕਟਰ ਨੂੰ ਪੁੱਛਣ ਲਈ ਸਵਾਲ

ਜਿੰਨੇ ਵੀ ਸਵਾਲ ਤੁਸੀਂ ਪੁੱਛਣਾ ਚਾਹੁੰਦੇ ਹੋ, ਪੁੱਛੋ। ਆਪਣੇ ਸਵਾਲਾਂ ਦੇ ਜਵਾਬ ਹਾਸਲ ਕਰਨਾ ਤੁਹਾਨੂੰ ਸੂਚਿਤ ਫ਼ੈਸਲੇ ਲੈਣ ਵਿੱਚ ਮਦਦ ਕਰਦਾ ਹੈ।

ਤੁਹਾਡੀ ਬਿਮਾਰੀ

• ਮੈਨੂੰ ਕਿਹੜਾ ਕੈਂਸਰ ਹੋਇਆ ਹੈ?
• ਕੀ ਕੈਂਸਰ ਫ਼ੈਲ ਗਿਆ ਹੈ? ਜੇ ਅਜਿਹਾ ਹੋਇਆ ਹੈ, ਤਾਂ ਇਹ ਕਿੱਥੇ ਫ਼ੈਲਿਆ ਹੈ? ਇਹ ਕਿੰਨੀ ਤੇਜ਼ੀ ਨਾਲ ਵੱਧ ਰਿਹਾ ਹੈ?
• ਕੈਂਸਰ ਕਿਹੜਾ ਪੜਾਅ ਦਾ ਹੈ? ਇਸ ਦਾ ਕੀ ਅਰਥ ਹੈ?
• ਇਸ ਕਿਸਮ ਦੇ ਕੈਂਸਰ ਲਈ ਕਿਹੜੇ ਨਵੀਨਤਮ ਟੈਸਟ ਅਤੇ ਇਲਾਜ ਹਨ? ਮੈਂ ਇਹ ਇਲਾਜ ਕਿੱਥੋਂ ਪ੍ਰਾਪਤ ਕਰ ਸਕਦਾ ਹਾਂ?
• ਮੈਂ ਕਿਹੜੇ ਡਾਕਟਰੀ ਪੇਸ਼ੇਵਰਾਂ ਨੂੰ ਮਿਲਾਂਗਾ?
• ਕੀ ਉਹਨਾਂ ਲੋਕਾਂ ਵਾਸਤੇ ਕੋਈ ਕੈਂਸਰ ਸਹਾਇਤਾ ਸਮੂਹ ਹੈ ਜੋ ਮੇਰੀ ਭਾਸ਼ਾ ਬੋਲਦੇ ਹਨ?

ਟੈਸਟ ਕਰਵਾਉਣੇ

• ਮੇਰੇ ਕਿਹੜੇ ਟੈਸਟ ਕਰਵਾਏ ਜਾਣਗੇ? ਟੈਸਟਾਂ ਵਿੱਚ ਕੀ ਸ਼ਾਮਲ ਹੁੰਦਾ ਹੈ?
• ਟੈਸਟ ਦੇ ਨਤੀਜੇ ਸਾਨੂੰ ਕੀ ਦੱਸਣਗੇ? ਨਤੀਜੇ ਉਸ ਇਲਾਜ ਦੀ ਕਿਸਮ ਨੂੰ ਕਿਵੇਂ ਪ੍ਰਭਾਵਿਤ ਕਰਨਗੇ ਜਿਸ ਦੀ ਮੈਨੂੰ ਪੇਸ਼ਕਸ਼ ਕੀਤੀ ਜਾਂਦੀ ਹੈ?
• ਇਹਨਾਂ ਟੈਸਟਾਂ ਨੂੰ ਕਰਵਾਉਣ ਦੇ ਕੀ ਫ਼ਾਇਦੇ ਅਤੇ ਖ਼ਤਰੇ ਹਨ?

ਇਲਾਜ ਬਾਰੇ

• ਕੀ ਤੁਸੀਂ ਮੇਰੀ ਇਲਾਜ ਦੀ ਯੋਜਨਾ ਬਾਰੇ ਦੱਸ ਸਕਦੇ ਹੋ? ਇਲਾਜ ਦਾ ਉਦੇਸ਼ ਕੀ ਹੈ?
• ਕੀ ਮੈਂ ਇਲਾਜ ਦੇ ਦੌਰਾਨ ਕੰਮ ਕਰਨ ਦੇ ਯੋਗ ਹੋਵਾਂਗਾ?
• ਜੇ ਇਹ ਇਲਾਜ ਕੰਮ ਨਹੀਂ ਕਰਦਾ ਤਾਂ ਕੀ ਹੁੰਦਾ ਹੈ?
• ਮੇਰਾ ਇਲਾਜ ਕਦੋਂ ਤੱਕ ਚੱਲੇਗਾ?
• ਮੇਰਾ ਇਲਾਜ ਕਿੱਥੇ ਹੋਵੇਗਾ?
• ਮੈਨੂੰ ਕਿਵੇਂ ਪਤਾ ਲੱਗੇਗਾ ਕਿ ਇਲਾਜ ਕੰਮ ਕਰ ਰਿਹਾ ਹੈ? ਮੈਨੂੰ ਕਦੋਂ ਪਤਾ ਲੱਗ ਸਕਦਾ ਹੈ?
• ਇਲਾਜ ‘ਤੇ ਕਿੰਨਾ ਖ਼ਰਚਾ ਆਵੇਗਾ? ਕੀ ਇਹ ਮੈਡੀਕੇਅਰ ਜਾਂ ਪ੍ਰਾਈਵੇਟ ਹੈਲਥ ਕਵਰ ਦੁਆਰਾ ਕਵਰ ਕੀਤਾ ਜਾਂਦਾ ਹੈ?
• ਕੈਂਸਰ ਦੇ ਜਨਤਕ ਅਤੇ ਪ੍ਰਾਈਵੇਟ ਇਲਾਜ ਵਿੱਚ ਕੀ ਫ਼ਰਕ ਹੈ?
• ਕੀ ਮੈਂ ਦੂਜੀ ਡਾਕਟਰੀ ਰਾਏ ਲੈ ਸਕਦਾ ਹਾਂ?

ਸੰਭਾਵੀ ਮਾੜੇ ਪ੍ਰਭਾਵ

• ਹਰੇਕ ਇਲਾਜ ਦੇ ਸੰਭਾਵੀ ਮਾੜੇ ਪ੍ਰਭਾਵ ਕੀ ਹਨ? ਇਨ੍ਹਾਂ ਦਾ ਪ੍ਰਬੰਧਨ ਕਿਵੇਂ ਕੀਤਾ ਜਾ ਸਕਦਾ ਹੈ?
• ਮਾੜੇ ਪ੍ਰਭਾਵ ਕਿੰਨੇ ਸਮੇਂ ਤੱਕ ਰਹਿਣਗੇ?
• ਕੀ ਮਾੜੇ ਪ੍ਰਭਾਵਾਂ ਵਿੱਚ ਸੁਧਾਰ ਹੋਵੇਗਾ ਜਾਂ ਸਥਾਈ ਰਹਿਣਗੇ?
• ਜੇ ਮੇਰੇ ਉਪਰ ਮਾੜੇ ਪ੍ਰਭਾਵ ਪੈਂਦੇ ਹਨ ਤਾਂ ਇਲਾਜ ਦੌਰਾਨ ਮੈਂ ਕਿਸ ਨਾਲ ਗੱਲ ਕਰ ਸਕਦਾ ਹਾਂ?
• ਕਿਹੜੇ ਮਾੜੇ ਪ੍ਰਭਾਵ ਹਨ ਜਿਨ੍ਹਾਂ ਬਾਰੇ ਮੈਨੂੰ ਆਪਣੀ ਇਲਾਜ ਟੀਮ ਨੂੰ ਤੁਰੰਤ ਦੱਸਣਾ ਚਾਹੀਦਾ ਹੈ?
• ਕੀ ਮਾੜੇ ਪ੍ਰਭਾਵਾਂ ਨੂੰ ਰੋਕਣ ਜਾਂ ਘੱਟ ਕਰਨ ਲਈ ਮੈਂ ਕੋਈ ਦਵਾਈਆਂ ਲੈ ਸਕਦਾ ਹਾਂ?
• ਕੀ ਕੋਈ ਹੋਰ ਥਰੈਪੀਆਂ ਹਨ ਜੋ ਮੇਰੀ ਮਦਦ ਕਰ ਸਕਦੀਆਂ ਹਨ?

ਇਲਾਜ ਖ਼ਤਮ ਹੋਣ ਤੋਂ ਬਾਅਦ

• ਇਲਾਜ ਖ਼ਤਮ ਹੋਣ ਤੋਂ ਬਾਅਦ ਮੈਨੂੰ ਕਿੰਨੀ ਕੁ ਵਾਰ ਜਾਂਚ ਕਰਵਾਉਣ ਦੀ ਲੋੜ ਪਵੇਗੀ?
• ਜਾਂਚ ਕਰਨ (ਚੈੱਕ-ਅੱਪ) ਵਾਲੀਆਂ ਮੁਲਾਕਾਤਾਂ ਲਈ ਮੈਨੂੰ ਕਿਸ ਕੋਲ ਜਾਣਾ ਚਾਹੀਦਾ ਹੈ?
• ਜੇ ਕੈਂਸਰ ਵਾਪਸ ਆ ਜਾਂਦਾ ਹੈ, ਤਾਂ ਮੈਨੂੰ ਕਿਵੇਂ ਪਤਾ ਲੱਗੇਗਾ? ਮੈਂ ਕਿਹੜੇ ਇਲਾਜ ਕਰਵਾ ਸਕਦਾ ਹਾਂ?

ਜੇ ਵਿਕਸਤ ਹੋਏ (ਐਡਵਾਂਸਡ) ਕੈਂਸਰ ਦੀ ਪਛਾਣ ਕੀਤੀ ਜਾਂਦੀ ਹੈ

• ਐਡਵਾਂਸਡ ਕੈਂਸਰ ਦੇ ਇਲਾਜ ਦਾ ਉਦੇਸ਼ ਕੀ ਹੈ?
• ਕੀ ਕੋਈ ਨਵੇਂ ਇਲਾਜ ਹਨ ਜੋ ਮੈਂ ਅਜ਼ਮਾ ਸਕਦਾ ਹਾਂ? ਕੀ ਉਹ ਮੇਰੇ ਬਿਹਤਰ ਹੋਣ ਦੇ ਮੌਕੇ ਵਿੱਚ ਸੁਧਾਰ ਕਰਨਗੇ?
• ਆਪਣੇ ਲੱਛਣਾਂ ਤੋਂ ਛੁਟਕਾਰਾ ਪਾਉਣ ਲਈ ਮੈਂ ਕਿਹੜੇ ਇਲਾਜ ਜਾਂ ਦੇਖਭਾਲ ਕਰਵਾ ਸਕਦਾ ਹਾਂ?
• ਜੇ ਮੇਰਾ ਪਰਿਵਾਰ ਅਤੇ ਦੋਸਤ ਘਰ ਵਿੱਚ ਹੀ ਮੇਰੀ ਦੇਖਭਾਲ ਕਰਦੇ ਹਨ ਤਾਂ ਉਹ ਕਿਹੜੀ ਮਦਦ ਪ੍ਰਾਪਤ ਕਰ ਸਕਦੇ ਹਨ?
• ਕੀ ਤੁਸੀਂ ਮੇਰੇ ਪਰਿਵਾਰ ਨਾਲ ਇਸ ਬਾਰੇ ਗੱਲ ਕਰਨ ਵਿੱਚ ਮੇਰੀ ਮਦਦ ਕਰ ਸਕਦੇ ਹੋ ਕਿ ਕੀ ਚੱਲ ਰਿਹਾ ਹੈ?

ਆਪਣੇ ਡਾਕਟਰ ਨਾਲ ਕਿਵੇਂ ਗੱਲ ਕਰਨੀ ਹੈ

ਇਲਾਜ ਤੋਂ ਪਹਿਲਾਂ, ਦੌਰਾਨ ਅਤੇ ਬਾਅਦ ਵਿੱਚ ਆਪਣੇ ਡਾਕਟਰ ਨਾਲ ਤੁਹਾਡੀਆਂ ਮੁਲਾਕਾਤਾਂ ਦਾ ਵੱਧ ਤੋਂ ਵੱਧ ਲਾਹਾ ਉਠਾਉਣ ਲਈ, ਤੁਸੀਂ:

	ਲੰਮੀ ਮੁਲਾਕਾਤ ਬੁੱਕ ਕਰੋ ਜੇ ਤੁਹਾਡੇ ਕੋਲ ਵਿਚਾਰ-ਵਟਾਂਦਰਾ ਕਰਨ ਲਈ ਕਈ ਮੁੱਦੇ ਹਨ ਤਾਂ ਇੱਕ ਲੰਬੀ ਮੁਲਾਕਾਤ ਦੀ ਬੇਨਤੀ ਕਰੋ।
	ਸਵਾਲਾਂ ਦੀ ਸੂਚੀ ਬਣਾਓ ਮੁਲਾਕਾਤ ਤੋਂ ਪਹਿਲਾਂ ਆਪਣੇ ਸਵਾਲਾਂ ਨੂੰ ਲਿਖ ਲਓ।
	ਸਹਾਇਤਾ ਕਰਨ ਵਾਲੇ ਵਿਅਕਤੀ ਨੂੰ ਨਾਲ ਲੈ ਜਾਓ ਸਹਾਇਤਾ ਵਾਸਤੇ, ਜਾਂ ਜਾਣਕਾਰੀ ਲਿਖਣ ਲਈ ਪਰਿਵਾਰ ਦੇ ਕਿਸੇ ਜੀਅ ਜਾਂ ਦੋਸਤ ਨੂੰ ਨਾਲ ਲੈ ਕੇ ਆਓ।
	ਗੱਲਬਾਤ ਨੂੰ ਰਿਕਾਰਡ ਕਰੋ ਆਪਣੇ ਡਾਕਟਰ ਨੂੰ ਪੁੱਛੋ ਕਿ ਕੀ ਤੁਸੀਂ ਗੱਲਬਾਤ ਰਿਕਾਰਡ ਕਰ ਸਕਦੇ ਹੋ।
	ਹੋਰ ਜਾਣਕਾਰੀ ਪ੍ਰਾਪਤ ਕਰੋ ਪੁੱਛੋ ਕਿ ਟੈਸਟਾਂ ਅਤੇ ਇਲਾਜਾਂ ਬਾਰੇ ਵਧੇਰੇ ਜਾਣਕਾਰੀ ਕਿੱਥੋਂ ਲੱਭਣੀ ਹੈ।
	ਦੁਭਾਸ਼ੀਏ ਦੀ ਮੰਗ ਕਰੋ ਪਤਾ ਕਰੋ ਕਿ ਕੀ ਤੁਹਾਡਾ ਡਾਕਟਰ ਦੁਭਾਸ਼ੀਏ ਦਾ ਇੰਤਜ਼ਾਮ ਕਰ ਸਕਦਾ ਹੈ।